隱居 (已結業)

朋友介紹坑口有間隠世日本餐廳，去開嗰頭見客，一於去試下。食日本嘢壽司同串燒又點少得呢！靚的海膽唔可以成水狀，小弟小試牛刀叫咗1件，味道鮮甜夠新鮮，掂呀仲有左口魚裙邊，微微燒香表面帶出魚的油香，值得推介。另一日本餐必食的當然係串燒，串燒最怕師傅燒得啲食物唔夠香口好似焗熟咁，但隱居的師傅絕對冇咁嘅問題。雞軟骨燒得夠脆口，翠玉瓜微微金黃帶點焦香更保留到瓜的水份，功力夠晒水準。另一推介必定喺燒蠔飯團，以廣島蠔配飯團，蠔味超濃，一食難忘。