我愛慢煮 (普慶坊) (已結業)

今日同個朋友行咗去上環呢一個咁有文化氣息嘅地方，沿途真係見到唔少具有特色嘅建築物，又或者係藝術創作。最估唔到嘅係喺依啲具濃烈文化氣息嘅地方之中，發現咗一間隱世小店。加拿大保濕豬鞍 $138豬鞍肥瘦均勻，外層煎到脆卜卜，做到外脆內軟鎖住晒啲肉汁，裏面食落仲係非常之鮮嫩😋。配埋個汁同蔬果，一啲都唔會覺得油膩👍。溫泉蛋卡邦尼意粉 $108上到枱第一樣嘢緊係整穿隻蛋先😋，跟住撈勻佢，食落非常厚身，味道濃郁，好有飽肚感👍。黑松露番薯條 $78番薯條非常香，食落隨卜卜熱辣辣，再點埋黑松露醬，松露同番薯味道非常夾。是日手工啤 $48再配埋是日嘅手工啤，配搭得天衣無縫😋👍。