影片
更多
2025-01-06
66 瀏覽
銅鑼灣食嘢普遍都係貴，有時貴得來仲要冇乜質素，今日去咗富明街富明大廈一樓呢間韓國fusion Cafe，真係非常有驚喜，環境相當唔錯，餐牌都有好多選擇，全部都係有特色嘅韓國fusion菜，而且價錢相當合理，亦都唔限時，可以同朋友慢慢傾慢慢食。店員好友善，而且上菜速度好快，坐一陣就由美食送上枱韓國人蔘雞湯配飯人蔘雞湯好有人蔘味，落足料，個雞都好腍，好入味，天氣凍凍地，飲完成身暖哂❤️安格斯芝士漢堡呢款芝士安格斯芝士漢堡好出色，個安格斯漢堡扒超厚身，而且好Juicy，一咬落去，啲肉汁流晒出嚟，個麵包都好花心思整，看得脆脆地，連埋啲厚身嘅芝士食，好好味。碗碟嘅薯條都好好味，好脆身，好有薯味。每個set都可以加錢升級做套餐，+$68就有粟米濃湯、特色飲品同一件蛋糕，好超值，個粟米濃湯單叫都要$38 ，粟米味超濃郁，唔係普通嘅罐頭湯😍
韓國人蔘雞湯配飯
人蔘雞湯好有人蔘味，落足料，個雞都好腍，好入味，天氣凍凍地，飲完成身暖哂❤️
安格斯芝士漢堡
呢款芝士安格斯芝士漢堡好出色，個安格斯漢堡扒超厚身，而且好Juicy，一咬落去，啲肉汁流晒出嚟，個麵包都好花心思整，看得脆脆地，連埋啲厚身嘅芝士食，好好味。碗碟嘅薯條都好好味，好脆身，好有薯味。
每個set都可以加錢升級做套餐，+$68就有粟米濃湯、特色飲品同一件蛋糕，好超值，個粟米濃湯單叫都要$38 ，粟米味超濃郁，唔係普通嘅罐頭湯😍
張貼
