Na Thai

營業中

休息中

最鍾意喺唔同嘅地方尋找正宗泰國嘢，因為香港嘅泰國食品，真係可以令你好驚奇。今日好好彩，可以喺跑馬地試到依一間泰國嘢，入邊環境好清幽，店員亦都有十分有禮貌，店內播休閒的音樂，令人好像去咗泰國一樣，咁relax 。打開餐牌，價錢亦都10分親民，唔太貴。叫咗燒牛肉沙律，同埋小食拼盤。小食拼盤$128,份量同埋味道，絕對超值。好大份，兩個人都食唔晒。而且又有三種小食俾我哋試，有春卷，魚餅，同埋蝦餅，全部都炸到好香脆。尤其是係蝦餅，脹卜卜，好多肉。然後就係牛肉沙律，牛肉燒得好好食，個汁夠酸同夠辣。做前菜，好醒胃。主食方便，叫咗鴨胸紅咖喱配Roti 同埋辣椒醬雞肉炒面。紅咖喱好入味，酸酸甜甜辣辣，好醒胃。炒麵亦都好友鑊氣，如果下次嚟，一定會叫多兩樣試吓。