影片
更多
2016-10-06
8806 瀏覽
朋友食完話好正介紹俾我地。可能因為無咩黎葵涌，所以覺得地點都有少少難揾。估唔到係呢邊既工廠大廈都可以揾到咁正既美食，一直以為得觀塘個d先有餐廳。 地方都幾大坐到都幾多人。因為啱啱係星期五晚去，所以基本上每一枱都已經有人坐。佢係私房菜再加半自助餐嘅形式，可以揀a餐b餐同埋c餐。因為係慶祝紀念日，所以我地就揀左個貴啲嘅c餐，有鮑魚同埋龍蝦，好期待啊！ 我想講個波士頓龍蝦都幾大隻！每人分到半隻！佢用嘅方法呢係將好多芝士粉“嬸”上去之後拎去焗。佢用咗好多好多芝士粉，所以好香好香嘅芝士味！而入面嗰啲嘅龍蝦肉都好鮮好彈好多肉，得出來係好新鮮嘅用料！龍蝦味好濃郁而且烤到出面啲芝士粉薄薄脆脆咁好好味！呢個炒牛肉和牛都幾特別！佢下面有蠟燭keep warm，上嘅時候係生嘅，佢叫我哋自己炒炒佢，就可以變成熟既(哈哈，我知我講緊廢話)我好欣賞佢咁樣上，一黎覺得幾有風味，二黎咁樣至可以食咗最熱辣辣，同埋最原汁原味嘅感覺！而且加咗啲洋蔥炒，令到成個菜都變得好甜！ 呢個刺身拼盤，令我完全睇得出佢好新鮮！仲有長腳蟹真係估佢唔到！三文魚好肥美！希靈魚都好好食，唔會好騷！難得嘅就係，螺片帶子嗰啲都好甜！長腳蟹唔會霉，啲
地方都幾大坐到都幾多人。因為啱啱係星期五晚去，所以基本上每一枱都已經有人坐。佢係私房菜再加半自助餐嘅形式，可以揀a餐b餐同埋c餐。因為係慶祝紀念日，所以我地就揀左個貴啲嘅c餐，有鮑魚同埋龍蝦，好期待啊！
我想講個波士頓龍蝦都幾大隻！每人分到半隻！佢用嘅方法呢係將好多芝士粉“嬸”上去之後拎去焗。佢用咗好多好多芝士粉，所以好香好香嘅芝士味！而入面嗰啲嘅龍蝦肉都好鮮好彈好多肉，得出來係好新鮮嘅用料！龍蝦味好濃郁而且烤到出面啲芝士粉薄薄脆脆咁好好味！
呢個炒牛肉和牛都幾特別！佢下面有蠟燭keep warm，上嘅時候係生嘅，佢叫我哋自己炒炒佢，就可以變成熟既(哈哈，我知我講緊廢話)我好欣賞佢咁樣上，一黎覺得幾有風味，二黎咁樣至可以食咗最熱辣辣，同埋最原汁原味嘅感覺！而且加咗啲洋蔥炒，令到成個菜都變得好甜！
呢個刺身拼盤，令我完全睇得出佢好新鮮！仲有長腳蟹真係估佢唔到！三文魚好肥美！希靈魚都好好食，唔會好騷！難得嘅就係，螺片帶子嗰啲都好甜！長腳蟹唔會霉，啲肉都好鮮甜。
好想大讚佢呢兜粥底火鍋！其實黎到既時候已經係旁邊有一兜粥。喺自助吧嗰度可以自己隨便攞火鍋配料。牛肉就要點嘅，點左佢就會上。可以無限量咁供應。我哋落咗好多南瓜同埋冬菇，令到個粥超甜！而且牛肉睇得出唔係差嘅材料。所以就算淥咗粥底火鍋都唔會好油膩好少可食半自助餐會有shabu shabu食！
其實佢有好多甜品可以選擇，啫喱啦，泡芙等等。不過呢一個雪糕pancake呢係特別佢有個店員整完之後,行黎問我哋要唔要嘅。令我覺得佢哋個服務好窩心！而且成個presentation都好靚私房菜包咗一個蛋白燉燕窩。嗰個都係幾好食既！唔會太甜！其實淨係食私房菜已經好飽！但係仲可以有咁多嘅選擇， 岩哂我呢啲鍾意多款嘅女仔
張貼
