亞潘泰國菜

營業中

休息中

呢間亞潘泰國菜，睇個鋪面真係其貌不揚，細細間而且裝修都好平凡，好實在，真係似泰國典型餐廳。味道估唔到相當有驚喜，見到未夠7點都差唔多坐滿曬，好多街坊都有幫襯。叫左一客蒜蓉包，佢有6件，真係勁香口，新鮮烘起，咬落聽到格格聲，好脆。另外，叫左個青咖哩牛肉都唔錯。首先，牛肉份量都唔少，算足料。而且青咖喱既特色就係唔太辣，而且食得椰香味，相信配薄餅會更加正。佢既椰汁冰相當令人驚艷，滿滿椰奶味之餘，飲得出唔係好稀，溝好多水個隻，所以真係好有驚喜，性價比好高。