亞來泰菜 (已結業)

如果我話九龍城最多泰菜, 相信大家都唔會反對,但不說不知, 洪水橋咁細個地方都有成七八間泰菜, 當然有些比較高質, 呢間“亞來泰國菜”都食左好多年，新界西的泰國菜，我只食兩間，一間係“泰馨”，另一間就係“亞來”。而偏偏呢兩間都已經位處於"洪水橋", 兩間都方便泊車的, 兩間的晚餐都做得非常出色, 下次有機會再介紹,對比起晚餐, 亞來的午餐就更加抵食，買左外賣返屋企試試，香葉肉碎炒飯+珍多冰，佢既香葉肉碎炒飯係的確炒得比其他泰餐廳好, 夠火喉, 味道亦佳, 足料另外一提, 店舖門口有放"蝦片"在賣的, 我當日都買左兩包蝦片, 蝦片又係好食之作，有胡椒味滲出來，就算九龍城都買唔到呢隻咁合個人口味，聽店家講，係每日新鮮製作的。