La Casa Burger & Pasta (文咸東街) (已結業)

好小黎上環既我，咁岩約左人交野，唸住順便搵野食，同朋友經過呢間漢堡包店，見到餐牌幾吸引，就唸住試下。我地叫左墨西哥炸魚漢堡、150g薄切西冷沙律、120g經典芝士漢堡配左2個餐，加一杯奶昔。經典芝士漢堡好juicy，厚切牛咬落去好有口感，好好食，如果漢堡包裡面塊芝士係流心仲正😋。沙律裡面既薄片西冷肥瘦岩岩好，同埋都幾多塊下，配埋酸酸地既沙律汁，好惹味。炸魚漢堡炸得岩岩好，勁多配菜，食落口多重口感。叫左薯條同薯角，配左兩個醬料，車打芝士醬（左面）同藍芝士醬（中間），個人比較鐘意藍芝士醬，酸酸地配薯條，乳酪既感覺。真係不得不提個奶昔，勁杰，飲落去好滑既感覺，好似入面落左勁多雪糕咁，飲完係會有超級重罪惡感🤣呢間店面積唔大，有4-5張枱坐，我地去個陣，都有3枱食緊，但係我地落單同食野期間，勁多外賣，睇黎都好多人發掘到呢間美食。