Uncle Issac (已結業)

粉嶺嘉福商場呢間韓式炸雞專門店店內有少少位置，但主要都係做外賣。開咗一段時間最近終於都試咗！有個開心share二人餐 $168 幾抵食🌟韓式炸雞套餐包括八件炸雞，四件原味四件椰汁，外賣紙盒都有間隔，令兩隻味唔會撈埋一齊。炸雞總共有八隻味，揀咗蒜香醬油同蜂蜜牛油，兩隻都甜甜地，雞皮脆卜卜，雞肉嫩滑多汁🌟韓式燒烤醬牛肉蓋飯比普通韓國嘢冇咁重口味，播返落咗好多甘筍、椰菜同洋蔥絲，食落口感比較清爽，醬烤牛肉份量好多，鋪滿白芝麻好香口🌟其他另外套餐仲包一份醃蘿蔔同兩罐汽水，醃蘿蔔前菜來講算好大兜，兩個人差啲食唔晒。除咗普通汽水，另外仲可以加錢轉韓國罐裝或者樽裝飲品