六合小廚 (已結業)

呢間餐廳真係好容易就行過左，晚上突然想食小菜，見到個易拉架就上左去呢棟隱世大廈既七樓揾食，上到去就安排左我地坐卡位台，職員推介食得辣可以試下口水雞，我地就點左個口水雞，薯仔蜜糖牛腩，咖哩牛筋飯同清湯牛腩飯。上菜速度都幾快嫁，價錢抵又大碟，口水雞少辣，但又真係辣得幾過癮，其實又唔算太辣果種。配飯一流。由於真係幾鐘意食牛腩所以我地叫左薯仔蜜糖牛腩，估唔到蜜糖同牛腩個味整做一味菜又真係幾好味。咖哩牛筋飯同清湯牛腩飯更係大碟夾抵食。咖哩都好入味。職員也很用心推介我地食咩小菜好食，見我地杯水唔滿仲不停問我地駛唔駛加水甘。