盛寅慢煮製麵 (已結業)

原本諗住食雞髀，原來轉左間新麵店，感覺幾新派有特色，結果一試就愛上～❤️味噌豬面肉湯麵 麵質同埋湯底都可以自選，揀左大地魚蝦米湯，湯底超香，清淡又鮮味～而主角味噌豬面，味噌味極香，豬面肉好軟淋，質感好正～最中意係可以配菠菜麵，好有特色唔係到到都有🧡安格斯雙拼拌麵 配超足料好濃郁既蕃茄南瓜濃湯+油蕎麥麵，牛肉份量十足，加上蕃茄濃湯酸酸甜甜，真係一啖接一啖食唔停口💛黑糖珍珠鮮奶 珍珠口感好軟熟，黑糖味香甜完全冇預期咁有特色又咁好味，google 睇到原來餐廳係有日本人一齊開既，唔怪得之有港式味道又有日式元素!! 所有肉仲要都經慢煮處理，唔怪得之咁嫩!! 仲要湯底都係每日鮮製，下次要試埋洋蔥大蒜雞白湯，係另一款signature 招牌湯底🥰