更多
2024-03-03
45 瀏覽
位置都算方便,洪水橋輕鐵站行過去5分鐘都唔洗就到,見到一幢藍藍的建築物就係,相當顯眼特別。環境幾空曠舒服,裝潢相當新淨,現代化得黎有加入泰式元素。泰式蝦膏炒飯($98)飯底經蝦膏一齊炒香,食到有蝦米和臘腸粒,食落有咬口之餘,令炒飯更加香口,上層鋪滿了肉鬆和炒蛋,肉鬆和臘腸粒都帶甜味,整體令蝦膏味唔會太油膩,相當有心思。蟹肉炒粉絲($108)見到有廚師推薦,便決定試一試,以香蔥、西芹、胡蘿蔔、菜心配搭蟹肉炒香粉絲,再以炒蛋點綴,蟹肉有一定鮮味,粉絲晶凝通透。冬蔭功海鮮湯(細)($118)叫左一個細既冬蔭功海鮮湯,份量足夠兩個人飲用,海鮮都幾豐富,有大蝦、魷魚、蟹柳、青口等,正宗冬陰功湯底,香辣惹味,椰香味亦十分濃郁。越式軟殼蟹凍卷($138)份量絕對有驚喜,足足有四大塊,軟殼蟹有特意炸過,香脆滋味,連同粉絲、生菜、蘿蔔、香芒等用米紙包裹一起食用,整體都幾配搭下,滿足感爆燈。雜錦甜品拼盆(6件)($62)有椰汁斑蘭糕、椰汁西米糕和椰青大菜糕各兩件。斑蘭糕有特意保持,熱食下斑蘭味更特出。椰青大菜糕清甜爽口,椰肉絲增加口感不少,如果想樣樣甜品都試下可以一叫。
飯底經蝦膏一齊炒香,食到有蝦米和臘腸粒,食落有咬口之餘,令炒飯更加香口,上層鋪滿了肉鬆和炒蛋,肉鬆和臘腸粒都帶甜味,整體令蝦膏味唔會太油膩,相當有心思。
見到有廚師推薦,便決定試一試,以香蔥、西芹、胡蘿蔔、菜心配搭蟹肉炒香粉絲,再以炒蛋點綴,蟹肉有一定鮮味,粉絲晶凝通透。
叫左一個細既冬蔭功海鮮湯,份量足夠兩個人飲用,海鮮都幾豐富,有大蝦、魷魚、蟹柳、青口等,正宗冬陰功湯底,香辣惹味,椰香味亦十分濃郁。
份量絕對有驚喜,足足有四大塊,軟殼蟹有特意炸過,香脆滋味,連同粉絲、生菜、蘿蔔、香芒等用米紙包裹一起食用,整體都幾配搭下,滿足感爆燈。
有椰汁斑蘭糕、椰汁西米糕和椰青大菜糕各兩件。斑蘭糕有特意保持,熱食下斑蘭味更特出。椰青大菜糕清甜爽口,椰肉絲增加口感不少,如果想樣樣甜品都試下可以一叫。
張貼