Green Orange

黃昏時間在上環律師樓處理完事情，一時興起找個西餐廳chill一下，發現了這家樓上隱世誠意餐廳。環境靜雅，餐具刻有自家店名，更具格調。點返杯house wine ，sparkling wine 美酒配佳餚。前菜香煎北海道帶子沙律，帶子蔬菜之外仲有西柚香橙無花果，顏色配料豐富，靚得像一束鮮花，味到清新。蒜香煙肉蘆筍炒意大利麵，蘆筍非常鮮嫩，意大利麵爽口，豐富蒜香味！虎蝦海鮮濃湯，內有三款海鮮，包括海蝦，帶子同藍青口。虎蝦，帶子都係大大隻，煎過香口而且爽口彈牙。藍青口都好新鮮，三款海鮮配合呢個濃湯非常好！紐西蘭肉眼牛扒，牛肉鮮嫩，配阿根廷青醬，多了一分南美風味。蔬菜，新薯也烤得恰到好處，更顯鮮甜。呢度嘅甜品panna cotta係我食過最好嘅奶凍，奶香味重幼滑之餘，同topping生果非常夾，甜甜酸酸，酸酸甜甜，提升咗整個奶凍味道。雖然Green Orange只係一間樓上舖，但食物顏色味道賣相俱佳，絕對見到餐廳嘅用心製作，值得支持。