影片
更多
2023-03-17
564 瀏覽
2023年3月6日 星期一今日難得唔洗返工，一於到石門處理換回鄉證，費事遲啲有機會返內地又要安排時間辦理等待換證期間，喺京瑞商場行下，咁啱見到呢一間店舖賣緊千層蛋糕，完全係我嘅最愛餐廳雖然唔太起眼，不過店舖面前嘅凍櫃放滿左唔同款式嘅千層蛋糕，用透明膠盒裝住，離遠已經見到蛋糕有超過20層餐牌寫住唔同款式嘅口味，比較特別嘅芋泥、伯爵茶同斑蘭味，仲有開心果味添，不過好可惜當日開心果味賣晒，所以最後要咗四款唔同味道嘅蛋糕返去同屋企人分享，價錢每一件$40都唔使，千層蛋糕黎講都唔算太貴望到店鋪嘅另一邊，同樣地放左餐牌，原來仲提供預訂成個蛋糕嘅服務，圖片中嘅蛋糕都好精美，可惜需要早兩日預訂，如果唔係買一個返去食都好返到屋企已經急不及待拆開蛋糕嚟食，首先呢一個係斑蘭口味，每一層都有忌廉同斑蘭醬，有好重斑蘭味，而且忌廉唔算太甜，食完都唔覺得好膩之後有呢一個Oreo口味，每一啖都食到Oreo餅碎，落足料，蛋糕夠晒大件冇諗到呢個芋泥口味最驚喜，因為芋泥同忌廉好夾，食完都唔覺得好飽肚，每一啖都食到滿滿既芋泥，食完覺得好幸福最後仲有呢一個Nutella，朱古力味好濃郁，一切開仲有朱古力流出嚟添，十分邪惡，喜愛
今日難得唔洗返工，一於到石門處理換回鄉證，費事遲啲有機會返內地又要安排時間辦理
等待換證期間，喺京瑞商場行下，咁啱見到呢一間店舖賣緊千層蛋糕，完全係我嘅最愛
餐廳雖然唔太起眼，不過店舖面前嘅凍櫃放滿左唔同款式嘅千層蛋糕，用透明膠盒裝住，離遠已經見到蛋糕有超過20層
餐牌寫住唔同款式嘅口味，比較特別嘅芋泥、伯爵茶同斑蘭味，仲有開心果味添，不過好可惜當日開心果味賣晒，所以最後要咗四款唔同味道嘅蛋糕返去同屋企人分享，價錢每一件$40都唔使，千層蛋糕黎講都唔算太貴
望到店鋪嘅另一邊，同樣地放左餐牌，原來仲提供預訂成個蛋糕嘅服務，圖片中嘅蛋糕都好精美，可惜需要早兩日預訂，如果唔係買一個返去食都好
返到屋企已經急不及待拆開蛋糕嚟食，首先呢一個係斑蘭口味，每一層都有忌廉同斑蘭醬，有好重斑蘭味，而且忌廉唔算太甜，食完都唔覺得好膩
之後有呢一個Oreo口味，每一啖都食到Oreo餅碎，落足料，蛋糕夠晒大件
冇諗到呢個芋泥口味最驚喜，因為芋泥同忌廉好夾，食完都唔覺得好飽肚，每一啖都食到滿滿既芋泥，食完覺得好幸福
最後仲有呢一個Nutella，朱古力味好濃郁，一切開仲有朱古力流出嚟添，十分邪惡，喜愛朱古力人士就啱晒
好彩幾件蛋糕係同屋企人share嚟食，如果唔係一定食唔晒！！
張貼
