Dreamix廚 (已結業)

今日又係一家人食飯既日子，成日黎黎去去都係去酒樓食，今次唔想咁悶，但屋企人又鐘意食中菜，所以就搵左間私房菜去試下啦。一上去感覺好舒服，睇得出裝修好用心，有好多好特別既擺設，加分！先黎飲個淮花杞子嚮縲鷄湯先，真係好有屋企煮老火湯既味道，而且冇味精又足料，連d湯渣都好入味，本身以為湯渣會好〝鞋〞，點知d雞仲保持到好滑，俾我地食晒！百花豆腐，香滑既豆腐上面鋪左手打蝦肉，彈牙既蝦肉同軟滑既豆腐形成對比，但又好夾，加左少少漿汁味道岩岩好百花蜜脆鱔，炸到外脆內軟，金黃色，唔會炸得太過火候，因為鱔本身都好滑，所以咬落去口感好好，而貝鱔肉仲好厚好肥美，加左少少蜜糖，少少甜味，好香口！醉香南非鮑魚，原來係冷盤黎架，幾驚喜，因為之前都未食過冷盤既鮑魚！鮑魚好軟腍身，但又做到彈牙既效果，而且用左花雕酒黎煮，酒味同飽魚好夾，好入味，每啖都食到酒既清香炸生蠔，平時係出面食既炸蠔粉漿都會好厚，但依道既蠔就只係用左薄薄既粉漿，所以咬落去唔會有好熱氣既感覺，蠔幾肥美鮮甜，唔會俾粉漿影響味道，而且仲幾大隻tim清湯蘿蔔蝴蝶腩，蝴蝶腩鬆化入味，已經煮到好腍，雖然佢係用清湯煮，但每舊蝴蝶腩都吸收晒湯既味道，而又唔會太濃味，