串本屋 (已結業)

今日喺油麻地收工，朋友話想去居酒屋食串燒，問我附近有冇邊間好推薦，我係OpenRice搜尋底下就見到呢間居酒屋，都幾多人推薦，所以就決定過嚟試吓，真係唔錯☺️☺️ 首先想讚嘅就係，呢間餐廳食物嘅選擇種類非常之多，除咗串燒之外，都有唔同嘅主食俾大家選擇，例如咖喱飯、蛋包飯、烏冬、天婦羅，同埋茶漬飯等等☺️所以揀飲擇食嘅朋友都唔使擔心叫唔到嘢食，呢度總有一款會啱你嘅～喺串燒方面；我哋試咗唔同種類嘅串燒，例如鹽燒白鱔、鹽燒封門柳、日式免治雞三色串～ 全部串燒都係即叫即燒，調味剛剛好唔會話太濃，突出到食材嘅鮮味 ～☺️ 我哋仲試咗，佢嘅自家製玉子燒，玉子燒到一層層，好有層次，調味剛剛好突出到蛋香～唔會太甜☺️☺️ 蟹肉茶碗蒸用料都好足，真係食到蟹肉一絲絲，配埋滑滑嘅蛋，更加突出到蟹嘅鮮甜味 ～ 朋友最鍾意就係佢個燒芝士年糕，佢話對比喺出面嗰啲餐廳，呢度嘅芝士年糕餡料好多，芝士味香濃，所以都encore叫多咗一份 ☺️☺️☺️ 主食我哋都唔敢叫太多，淨係叫咗個茶漬飯試吓，有機會一定要再試吓佢嘅咖喱飯同埋蛋包飯☺️☺️呢間餐廳性價比非常高，兩個人去食串燒居酒屋，人均都係兩百零蚊左右，值得再次回頭☺️