晴苑泰國菜 (已搬遷) 新店位置

奧海城逛商場行到肚餓，沿B出口找食店，見大角咀埃華街91-93號地下，晴苑泰國菜，食客坐滿八、九成，應該不錯。我們點左半隻泰式海南雞$98，雞肉好滑又冇骨，啖啖肉有雞鮮味 ，大大碟真抵食，配醬汁更開胃好味。泰式豬脾$78，夠腍夠入味，超正，勁大碟連隔離枱都問服務員是什麼菜式。青咖喱牛腩飯$59，椰香味濃要一讚 撈飯一流 。蒜茸包$33，好香蒜茸味又脆口，點青咖喱汁無得彈，真是好食到停不到口。椰汁🥥西米糕$28有四件，很清香椰味，不太甜。這餐極滿意又美味，有機會再食其他食品。