茶廳 (已結業)

聽說青衣有得睇紅葉，第一次到訪，原來唔係時候，不過，假日行吓公園都係好活動。好少去青衣城，咁大個商場，行吓行吓，有啲餓，朋友話想飲奶茶，嚟到2期見到呢間食肆，望完有下午茶餐就入咗嚟。由於未食午餐，考慮到食包唔夠飽，所以我哋點了星洲炒米同褔建炒飯。等咗陣就，食物送到。估唔到下午茶份量都唔細。炒飯非常足料，而且有驚喜，有多隻蝦同瑤柱，啲蝦爽彈，仲要唔係切粒，其他餸料有冬菇，紅腸粒，火腿粒，紅羅蔔，翠肉瓜粒，炒底，$52加埋熱飲，又夠鑊氣，又冇重口味，堅推! 星米又係好出色，餸料又係有爽彈蝦，而且火腿絲，红羅蔔絲，青椒絲，加上洋蔥絲，葱絲，顏色配搭加分! 唔算辣，少油，好味! *好耐冇食過咁好食嘅炒嘢!奶茶香滑!服務好!