老掌櫃東北菜館 (已搬遷) 新店位置

成日經過呢條街都見到呢度大紅燈籠高高掛，應該幾有特式，所以趁一家人黎到大角咀一於試試!餐廳座位較為迫，有d 背對背坐既感覺。打開menu樣樣都好吸引，因為係東北菜館，所以有好多麻辣菜式，啱哂喜愛食麻辣既媽媽。 麻辣豬耳 - 全晚最喜愛既一道菜，放上枱已經好香，浸得非常入味而且爽口! 不停咁食，不知不覺我已經食左大半碟~紅油抄手 - 醬汁辣辣甜甜，餃子皮充吸收哂醬汁，十分開胃!東北大滷麵 - 雖然湯汁好似好濃，但其實無乜特別味道，不過配料幾多既，麵條就用上海麵，仲有雲耳、冬菇等~麻辣涼拌麵 - 呢個係媽媽點既，佢想食不過又怕辣得滯，所以落單特別要求少辣滿足下自己，不過少辣都會壞食越辣~最後我係要用紅油抄手剩下既汁撈麵黎食~效果唔錯! 配料有青瓜絲、紅蘿蔔絲同肉碎，可以一試!高力豆沙 - 用左好多麵粉整成既高力豆沙，雖然鬆軟，但食左好耐先見到豆沙，因為豆沙份量好少，需要改善一下。最鍾意幫襯隱世小店因為必定有驚喜，呢次亦無選擇錯誤! 仲有好多野想試，下次要食北京填鴨!