影片
更多
2021-06-29
324 瀏覽
同朋友食生日飯，佢揀左呢間The Leah食英國野，餐廳入口好隱世，得一部𨋢上到去，都搵左陣先搵到🙈🔸Scotch Egg & Soldiers $98傳統蘇格蘭小食，流心鴨蛋外有層免治豬肉炸過，仲有香脆的酸種麵包條，店員建議用麵包條點流心蛋黃食。🔸Mac n Cheese 🧀 $78細細碗的邪惡芝士通心粉，略嫌芝士味唔夠香濃。🔸Lobster Pot Pie 🦞$248同我哋想像中既Pie好唔同，佢唔係批既形狀，而係盤入面有龍蝦肉同好多麵包糠，加左醋汁，食落酸酸地，幾特別。🔸Fish, Chips & Scratchings🐟 $198 魚肉好滑，炸漿唔算好厚，有返啲英國的感覺🤣不過底下面的青豆碎就唔係我杯茶喇🙈🔸Apple Pie & Nutmeg Custard $98揀左個甜品，訂位時講左係慶祝生日，店員係碟上做左裝飾🎂外面係一層幾厚的酥皮，唔算好酥脆，中間有玉桂味的蘋果粒，可配吉士醬汁食。可能食左個芝士通粉之後都有啲滯🙈整體黎講啲食物講唔上好好食，未去到話水準好高，一半一半啦，不過我無食到佢個招牌菜威靈頓牛(要預訂)，可能好好食，機會可以試吓。餐廳真係有少少英倫風，價錢都可接
🔸Scotch Egg & Soldiers $98
傳統蘇格蘭小食，流心鴨蛋外有層免治豬肉炸過，仲有香脆的酸種麵包條，店員建議用麵包條點流心蛋黃食。
🔸Mac n Cheese 🧀 $78
細細碗的邪惡芝士通心粉，略嫌芝士味唔夠香濃。
🔸Lobster Pot Pie 🦞$248
同我哋想像中既Pie好唔同，佢唔係批既形狀，而係盤入面有龍蝦肉同好多麵包糠，加左醋汁，食落酸酸地，幾特別。
🔸Fish, Chips & Scratchings🐟 $198
魚肉好滑，炸漿唔算好厚，有返啲英國的感覺🤣不過底下面的青豆碎就唔係我杯茶喇🙈
🔸Apple Pie & Nutmeg Custard $98
揀左個甜品，訂位時講左係慶祝生日，店員係碟上做左裝飾🎂外面係一層幾厚的酥皮，唔算好酥脆，中間有玉桂味的蘋果粒，可配吉士醬汁食。可能食左個芝士通粉之後都有啲滯🙈
整體黎講啲食物講唔上好好食，未去到話水準好高，一半一半啦，不過我無食到佢個招牌菜威靈頓牛(要預訂)，可能好好食，機會可以試吓。餐廳真係有少少英倫風，價錢都可接受，一試無妨。
張貼
