影片
更多
2024-03-17
656 瀏覽
星期日晏晝經過西營盤，喺附近行吓見到有間Cafe就入咗去，舖頭大約有四至五張枱，店舖面積唔太大。我哋去到叫咗兩款意粉，一個沙律同埋抹茶latte 。煙三文魚沙律份量都幾大，而且有牛油果，蛋喺配襯。如果女士們或者健身嘅朋友唔想食碳水，呢個係一個唔錯嘅選擇。意粉我哋一個要咗黑松露蘆筍意粉，另一個要蕃茄蟹肉意粉。兩個味道都非常好味，食得出佢哋用料十足。黑松露味非常濃，蟹肉肉意粉超級多，真係做到每一啖意粉都配有啖啖蟹肉！😋👍🏻抹茶latte拉花非常之吸引，一個係貓貓形狀，一個係天鵝。見到即刻影返幾張相同埋好唔捨得飲！抹茶味好濃，鍾意抹茶嘅朋友真係要試吓，而且唔鍾意甜可以叫佢無糖。而且附送一個餅乾👍🏻見到啲食評話佢出名素食芝士蛋糕，下次會試吓！
我哋去到叫咗兩款意粉，一個沙律同埋抹茶latte 。
煙三文魚沙律份量都幾大，而且有牛油果，蛋喺配襯。如果女士們或者健身嘅朋友唔想食碳水，呢個係一個唔錯嘅選擇。
意粉我哋一個要咗黑松露蘆筍意粉，另一個要蕃茄蟹肉意粉。兩個味道都非常好味，食得出佢哋用料十足。黑松露味非常濃，蟹肉肉意粉超級多，真係做到每一啖意粉都配有啖啖蟹肉！😋👍🏻
抹茶latte拉花非常之吸引，一個係貓貓形狀，一個係天鵝。見到即刻影返幾張相同埋好唔捨得飲！抹茶味好濃，鍾意抹茶嘅朋友真係要試吓，而且唔鍾意甜可以叫佢無糖。而且附送一個餅乾👍🏻
見到啲食評話佢出名素食芝士蛋糕，下次會試吓！
張貼
