影片
更多
2021-03-08
161 瀏覽
WFH完結前，約埋班朋友去大美督踩單車，踩完順便係果度搵下野食，見哩間居酒屋係龍尾村下自成一角，外觀寧靜與其它附近餐廳不同，而且間格都好有日本風味，於是我地一於揀哩間居酒屋入去，哩度可以揀室內同室外座，我見室內充滿住日本既佈置風格，當然揀室內座，座低左之後，店員預備幾杯玄米茶比我地飲用，我地望下餐牌，見魚生片好吸引，一於點個五點刺生盛品嚐、再叫個黃金海膽炒飯、安格斯牛肉湯烏冬、吉列生蠔、炸餃子仲有幾款串燒。 飲品先到，我果杯係巨峰提子梳打，用啤酒既杯裝住，大杯得黎拎住都有份豪氣感，飲落濃郁既巨峰提子味道，並非普通提子汁或提子汽水味道，食物開始上場。 五點刺生盛：刺身精盈剔透，望落好似識發光一樣，擺放得精美，入口好新鮮、肥美。 燒雞泡魚乾：燒既熱度燒得岩岩好，燒到脆而不韌，恰到好處，入口唇齒流香，配合提供的玄米茶飲用，那種味道仍在口腔內回噹，令我回想起有點似兒時所吃燒魷魚的滋味。 黃金海膽炒飯：面頭排放了三片海膽，海鮮同飯炒得好均勻，飯係一粒粒爽身，食落每一口都有唔同既海鮮粒同蔬菜係當中，濃郁帶有海洋味道。 安格斯牛肉湯烏冬：放上枱時牛肉仲帶點嫩粉紅色，未食巳經聞到好香牛肉味，烏冬非採用
座低左之後，店員預備幾杯玄米茶比我地飲用，我地望下餐牌，見魚生片好吸引，一於點個五點刺生盛品嚐、再叫個黃金海膽炒飯、安格斯牛肉湯烏冬、吉列生蠔、炸餃子仲有幾款串燒。
飲品先到，我果杯係巨峰提子梳打，用啤酒既杯裝住，大杯得黎拎住都有份豪氣感，飲落濃郁既巨峰提子味道，並非普通提子汁或提子汽水味道，食物開始上場。
巨峰提子梳打
6 瀏覽
0 讚好
0 留言
五點刺生盛：刺身精盈剔透，望落好似識發光一樣，擺放得精美，入口好新鮮、肥美。
五點刺生盛
28 瀏覽
0 讚好
0 留言
燒雞泡魚乾：燒既熱度燒得岩岩好，燒到脆而不韌，恰到好處，入口唇齒流香，配合提供的玄米茶飲用，那種味道仍在口腔內回噹，令我回想起有點似兒時所吃燒魷魚的滋味。
燒雞泡魚乾
10 瀏覽
0 讚好
0 留言
黃金海膽炒飯：面頭排放了三片海膽，海鮮同飯炒得好均勻，飯係一粒粒爽身，食落每一口都有唔同既海鮮粒同蔬菜係當中，濃郁帶有海洋味道。
黃金海膽炒飯
3 瀏覽
0 讚好
0 留言
安格斯牛肉湯烏冬：放上枱時牛肉仲帶點嫩粉紅色，未食巳經聞到好香牛肉味，烏冬非採用一般市面經常見到果款粗身，哩款烏冬比較薄同扁身，食落滑口之餘仍吸盡鮮牛肉湯底的精華元素，牛肉片嫩得黎唔韌，好易咬，我地連湯底都唔放過飲哂。
安格斯牛肉湯烏冬、炸餃子
6 瀏覽
0 讚好
0 留言
炸餃子：皮薄軟熟，裡面既豬肉實正兼嫩滑唔榎，一咬開就見到肉汁湧出，完全唔似係炸過。
磯燒鮑魚： 我地叫左兩隻分黎食，燒到收哂汁，食既時候唔會水滴滴，加上無添任調味，食到真正既原汁原味。
燒明太子雞翼：咬落有份驚喜感，微辣，用明太子混合埋豬肉與泡菜一起釀入當中，好特別。
燒明太子雞翼、燒牛脷串
3 瀏覽
0 讚好
0 留言
燒牛脷串： 每一塊都大小均勻，面層掃左醬汁仲帶點胡麻一起燒，唔會乾爭爭。
芝麻雞翼：以為係好普通，但一登場就好香，令我地忍唔住放低食緊既野品嚐下先，咬落面層燒得好脆，裡面既肉汁慢慢流出，醃得好入味，一點都唔普通。
芝麻雞翼、吉列生蠔
2 瀏覽
0 讚好
0 留言
自家製吉列生蠔：店長推薦話個炸漿係自家調製，食落會更加脆口又保留住生蠔既原汁原味道，我地食到都係，佢依然保持到蠔既質感，炸得鬆脆。
燒雞軟骨串：咬落爽爽聲，軟骨中帶點雞肉，好有超口。
食左咁多野，最後緊係唔少得食埋甜品啦，朋友揀左食雪糕，有三款口味選擇，分別有紅豆、抹茶、柚子，柚子口味既雪糕出面比較少有，我一於叫一客，朋友們喜歡食抹茶，雪糕口感幼滑，唔太甜，我那個柚子味道清新得黎唔會酸仲帶點柚子果粒，正。
日式雪糕
4 瀏覽
0 讚好
0 留言
食完餐咁正既日本料理，簡直充滿能量為明天正式返工差足電。
張貼
