越大哥 (中興新街) (已結業)

黎到長洲見到有間越南餐廳，一向中意越南菜既我就忍唔住黎試下，果然係好野！我地先試越式豬扒法包，法包真係好脆，但入面又軟綿綿喎，餡料充滿爽脆既醃蘿蔔絲、青瓜，紅蘿蔔絲，加上主角豬扒，豬扒係好貼心咁切好一塊塊，煎到好香好柔韌，一啖都咬唔晒成個包，口感好豐富，食到豬扒既油香又有蔬菜既鮮，味道有層次好豐富，爽爽的(^з^)之後叫多一個越大哥牛柳沙律配蒜蓉包，呢個沙律都好豐富，牛柳數量都唔少，肉質仲要好好，好嫩，沙律有好多青木瓜絲，仲有啲椰菜葉，蕃茄仔，亦有啲花生粒，爽爽脆脆，口感豐富，蒜蓉包都焗得好香脆，配埋沙律就更有層次啦(*^o^*)我地亦叫埋香茅串燒雞同埋香茅串燒牛，牛肉都真係有香茅味，又唔會太硬太實，反而軟軟腍腍，雞肉亦好嫩，雞皮就煎到好脆，兩串串燒都係好香口(｡･ω･｡)飲埋枝越南啤酒同埋新鮮菠蘿梳打，吹住微風，享受下懶洋洋既下午，爽呀！