米蔥動

營業中

休息中

西環隱藏左唔少又抵又高質既美食。 無意中行過發現左依間由曾任多間酒店及大集團大廚開既台灣家庭式小店，就入去試下😋位置同地鐵站相近，小店位置唔多，但睇得出有唔少捧場客。 去既時間咁岩完左午餐時間，所以好彩有位🫢價錢方面相當實惠。 套餐價都係$52-78。 今次簡左：火炙三文魚鰭溫泉蛋飯、茉香奶綠、黑松露醬薯條、烤台式香腸。🐟 火炙三文魚鰭溫泉蛋飯（$58） ： 價錢相當抵！ 可以簡飯量，岩哂細食既朋友🫢 三文魚鰭烤得好香又唔算太油， 相當健康。溫泉蛋一篤就爆漿😋 撈埋飯食就超好味🤤🐷烤台式香腸（$46）： 不得不說個份量比想像中大份。 雖然細細粒咁，但係有足足8粒，肉質肥瘦適中，岩岩好😋🥢黑松露醬薯條（$48） ： 想講份量都係比預期大份😅 薯條炸得岩岩好 ， 唔會有啲炸到燶哂🙋‍♀️ 配埋好香好濃既黑松露醬成件事好夾🥤茉香奶綠（跟餐配$12） ： 點餐可以簡甜度同冰度，我就簡左少甜少冰，好快上枱🧋 茶同奶既比例岩岩好 ， 唔會偏重任何一邊。