Wingman (船街) (已結業)

收工經過灣仔，咁啱想食炸嘢，位於灣仔船街一間隱蔽嘅小快餐店，竟然有我最愛嘅雞翼放題啊。舖頭店舖好有型格，黑蚊蚊，亦都有好多霓虹燈可以打卡，佢有好林林總總唔同味道嘅雞翼放題，但係我哋揀咗一個burger同雞翼，仲有松露薯條。雞翼方面我哋今次揀咗泰式酸辣雞翼一份六隻，雞翼個size好大隻，而且皮香肉嫩，出邊仲有滿滿嘅泰式醬，真係十分之正。而另外一個就係炸雞漢堡，炸雞漢堡個雞肉炸得非常香脆，青瓜絲配上沙律醬一解油膩，最後加埋個松露薯條，佢仲要係用幼薯添，松露醬配埋新鮮炸起嘅薯條真係絕配。下次嚟真係要試試佢個雞翼放題先，有唔同嘅味道，有辣有唔辣，適合一班朋友黎比拼一下。