影片
更多
2021-04-17
235 瀏覽
今次嚟到呢個超驚喜人小店，係大角咀富多來商場地舖，條街有好多餐廳，呢間門面裝修都幾靚。本身期望唔大，因為近年呢類石燒牛肉如雨後春筍咁，開得太多。睇完Menu之後，我哋決定叫咗一份全份嘅A4肉眼牛同埋一個西班牙豬肉一人前試吓。.一人前前菜，個湯有海量嘅櫻花蝦。主角終於出場啦呢個牛真係不得了，燒完放入口嗰種稔滑真係比得上好多好多好靚嘅和牛，再加上佢牛味好重但係又唔會覺得太肥同埋太油膩，一個字正。呢個係全份但係因為我哋已經等唔切，影相前啲食咗幾嚿。呢個西班牙豬都不遑多讓，食落口完全唔似食緊豬肉，好滑而且油脂好豐富，估唔到豬都咁有驚喜。同場加映呢舊石我都覺得唔錯，燒嘢食途中一直都keep到個溫度，而且唔使擔心好似其他石燒咁樣，會因為個溫度慢慢下降而影響咗烹調嘅過程，要急急腳燒晒啲嘢食。最後呢個甜品仔好得意，雖然我哋只係嗌咗一份套餐，但個店員都好好人咁樣俾咗兩杯雪糕我哋。自己將啲抹茶粉溝水去決定濃度，再將佢倒落個雪糕度，有得玩又有得食正。今餐飯其實兩個人食都好夠飽，仲要我哋兩個都唔細食，所以間餐廳真係超級推介。再加上個店員真係好有禮貌，不停問我哋要唔要加水要唔要比多碗飯我哋。真心推介！
本身期望唔大，因為近年呢類石燒牛肉如雨後春筍咁，開得太多。睇完Menu之後，我哋決定叫咗一份全份嘅A4肉眼牛同埋一個西班牙豬肉一人前試吓。
.
一人前前菜，個湯有海量嘅櫻花蝦。
套餐前菜
9 瀏覽
0 讚好
0 留言
主角終於出場啦
呢個牛真係不得了，燒完放入口嗰種稔滑真係比得上好多好多好靚嘅和牛，再加上佢牛味好重但係又唔會覺得太肥同埋太油膩，一個字正。呢個係全份但係因為我哋已經等唔切，影相前啲食咗幾嚿。
九州A4和牛肉眼 （全份）
$328
8 瀏覽
0 讚好
0 留言
呢個西班牙豬都不遑多讓，食落口完全唔似食緊豬肉，好滑而且油脂好豐富，估唔到豬都咁有驚喜。
西班牙豬梅肉（一人前）
$178
9 瀏覽
0 讚好
0 留言
同場加映呢舊石我都覺得唔錯，燒嘢食途中一直都keep到個溫度，而且唔使擔心好似其他石燒咁樣，會因為個溫度慢慢下降而影響咗烹調嘅過程，要急急腳燒晒啲嘢食。
最後呢個甜品仔好得意，雖然我哋只係嗌咗一份套餐，但個店員都好好人咁樣俾咗兩杯雪糕我哋。自己將啲抹茶粉溝水去決定濃度，再將佢倒落個雪糕度，有得玩又有得食正。
一人前抹茶甜品
8 瀏覽
0 讚好
0 留言
今餐飯其實兩個人食都好夠飽，仲要我哋兩個都唔細食，所以間餐廳真係超級推介。再加上個店員真係好有禮貌，不停問我哋要唔要加水要唔要比多碗飯我哋。真心推介！
張貼
