TC Bistro

營業中

休息中

之前成日經過呢個位置，見到有一間較為有格調的西餐小店，一直都好想一試，終於有機會啦！店內裝修唔算好華麗，但感覺幾溫馨同有人情味。食物選擇都唔少，當中亦不乏一啲比較特別的菜式。而各款主菜亦都可以按需要轉為套餐。套餐一點也不馬虎，沙律唔係普通野菜沙律，而係有Parma Ham的靚沙津。餐湯味道不錯，仲幾滑溜。我地點左一份十安士的美國西冷，估唔到份量都幾多，兩個人share都好夠食。牛肉味道好濃，油脂分佈亦係岩岩好，美國牛扒來講算係幾高質。而且大廚控制火候的功架亦不俗，做到幾標準的medium。Seasonal offer 餐飲仲可以免費upgrade做特飲添！除咗招牌的牛扒，意粉都好好味架！整體來講，性價比好高。下次有機會，一定要再去嘗試其他不同的菜式。