華記士多 (已結業)

本身喺附近返工，有一日同事幫我們外買左咖哩蛋包飯，返嚟食請我。食咗一啖之後發覺，非常好味。所以決定過幾日去堂食，點知嗰個同事話，你去到嗰度未必會肯食。先講個蛋包飯食落口，蛋汁好滑，醬汁炒過嘅飯味道濃郁，內有肉碎，飯粒分明 。外面加上日本咖喱汁。記住唔使叫佢多汁已經鋪天蓋地。忍唔住今日決定親身去試，去到門口我呆左，不過大家唔好俾佢嘅外貌嚇怕左。雖然喺後行擺放左幾張堂食嘅枱，但客人坐滿滿的。今次繼續叫咖喱蛋包飯，果然係熟悉嘅味道，反而堂食熱辣辣，美味可口，質素好過XX日本料理餐廳。食左一陣望落去已經有10幾人喺度，排隊同等外賣。平均一個飯要等5分鐘到7分鐘左右。餐牌只係有3種選擇，35元至40元午餐再送一杯凍飲橙汁/檸檬特飲真係平到笑。撇除咗環境之外，呢個蛋包飯值80分！