Saravanaa Bhavan (已搬遷) 新店位置

好耐無食印度野 今日同朋友係尖沙咀 搵咗依間印度餐廳 7點幾上到去都算多人 點知去到8點多啲就成間餐廳full 哂🤣估唔到咁多人中意食印度野同間餐廳咁受歡迎！我同朋友叫咗一個印度千層薄餅$70 有菠菜薯蓉、咖喱同埋薯仔撕啲薄餅黎沾啲咖哩，好好食！我比較中意食軟身啲既薄餅，因為同印度咖哩好夾。另外都叫咗一個印度芝士炒飯$75，仲有沙律。估唔到都幾辣，我朋友一向食唔到好辣就覺得超辣，但係都好好味！份量好多，就算好大食都一定夠食最中意係依杯芒果奶昔$35 好特別 唔似係出面買一支支會買到果啲味 又唔會太甜 配印度野食就一流！之後仲叫咗個印薄煎餅$25 都係用黎沾咖啡、薯蓉！個盤好有特色餐廳晚市長期都好多人，唔同國籍既人都好多，好熱鬧！而且餐廳啲職員雖然唔係本地香港人，但感覺到佢地好友善、有禮貌。