禤師傅小廚 (已結業)

今晚食farewell dinner 以前喺「禤師傅小廚」食過午市快餐 今次專登帶同事嚟食大家留意 如果要食dinner必須預早訂檯 因為所有材料都係即日新鮮搜羅.... 晚上只有禤師傅一位大廚煮菜 聽老闆娘講 禤師傅以前係內地嘅五星級大廚 為保持出品 當然只由他一位掌廚啦 見佢成晚三四個鐘不斷煮 都幾辛苦... 雖然Facebook Page有餐牌 但基本上只要係中菜都可以點 聽聞好多客人特別喜歡禤師傅煮嘅海鮮.... 今晚 我哋食咗 黃金瀨尿蝦、白灼腰潤、粟米魚肚羹、椒鹽雞中翼拼豬扒、四季豆、金銀蛋莧菜、刀貝... 再追加一碗渣渣！黃金瀨尿蝦唔單只大隻 啲殼仲脆卜卜 隻碟有好大灘「尿」 鹹蛋黃融咗落去 變成撈飯嘅美味選擇白灼腰潤炒得好爽口 那股豬騷味好正 椒鹽雞中翼/豬扒係熱門菜式 不但惹味 食完仲竟然唔口乾！(話說小妹點菜時 猶豫咗好耐 食邊樣好呢... 於是老闆娘就話 係可以cross-over㗎～)呢份金銀蛋莧菜 係用湯碗裝 大碗到呢... 除了菜 湯都一定要飲埋！唔係得個鹹字 而是有濃濃的菜味～～呢盤刀貝 係呢晚煮剩咗嘅 老闆娘就問我哋要唔要試 咁梗係要啦！上檯時 離遠都聞