金鶴拉麵 (九龍城道) (已結業)

偶然發現屋企附近有間門面好高級嘅拉麵店唔係講笑，真係鶴立雞群！隱世拉麵！今日終於去咗幫襯！一入門口例牌燒毒探熱啦～環境好高雅！我揀咗 💖期間限定💖 北海道蟹湯拉麵個蟹湯蟹味好濃，啖啖都係蟹😋😋啱曬我呢啲蟹痴食🤪仲有好鮮甜嘅蟹肉！一問之下個湯底係佢哋自己研究嘅！真係正拉麵仲有兩塊火炙豚肉片、雲耳、筍個湯好正，但係嗰兩塊火炙豚肉片都唔少嘢！烤過嘅味道好香好出！ 絕對唔可以錯過！老公就揀咗 🌟招牌🌟 極濃雞白湯拉麵我覺得個師傅真係好有創意！將牛蒡炸到好似藝術品！我喺度欣賞緊嘅時候師傅就提醒我快啲食因為浸耐咗會冧！一咬落真係好脆！未試過覺得牛蒡咁好食🤪而個湯底用赤雞熬左六個鐘，真係超級極濃！濃到我覺得好似食緊沾面咁😋😋唔單止個湯底正，個雞都好不得了！估唔到雞胸肉可以咁滑！ 原來係慢煮嘅！講真金鶴嘅湯底真係掂，係金鶴食拉麵真係飲湯都飲飽😂😂