TC Bistro (已結業)

近來新蒲崗真係越來越多餐廳，搞到我都間唔屎會嚟呢度搵下有啲乜嘢好嘢食！最先上碟嘅當然就係個沙律啦！我老公不停咁讚沙律個汁好好味！似乎係自家調製嘅果醬！跟住到餐湯係雜菌湯，菇味好濃似乎落重料！對於最鍾意食菇嘅我梗係要大讚啦！黑松露薯條，黑松露醬好出色好出色！而佢同家我最大嘅分別係佢連薯條上面都配上左黑松露菌！食落就更加重黑松露味啦！松露忌廉芝士焗蘑菇！個菇好大隻！啲芝士好似真係唔駛錢咁落重料架！切開仲真係有拉絲效果！好好味！今晚嘅主角黎啦威靈頓牛柳！個酥皮做得好好焗得好鬆脆！牛柳五成熟！切開簡直係軟綿綿啊！呢個威靈頓牛柳完全係比得上喺酒店餐廳嘅質素喎！另外最緊要大讚嘅係佢隔離嗰個焗蒜頭係調過味嘅好鬆化最咪仲有甜品！係我最愛嘅焦糖燉蛋，為呢一餐畫上完美嘅句號呢間餐廳真係好出色呀！好耐未試過喺香港食到咁高質素嘅西餐喇！