影片
更多
2019-04-02
381 瀏覽
今年係第一次同女朋友過情人節，梗係要帶佢食d好嘢啦，留低個好印象呀嘛。係云云餐廳之中，見到呢間餐廳既評價唔錯，睇相又好似幾有情調，仲有全單8折優惠，所以一心就想過嚟試吓。地點唔算難揾，只係有d僻。上到去餐廳，計埋我哋只係三台客人。雖然地方係細，但勝在有維港夜景，而且靜靜地，氣氛都唔錯。食物方面，前菜係18個月黑毛豬風乾火腿伴哈密瓜。作為前菜黎講份量算好夠，而且黑毛豬既鹹香同哈密瓜既果甜好夾，即刻開左個胃！而頭盤就有刺身拼盤，賣相確實係幾吸引，不過刺身味道就同出面鋪頭賣既差唔多，無咩特別。反而係d蔬菜食得出佢用料新鮮！湯呢我地就點左蟹肉龍蝦濃湯同鮮蠔忌廉湯，個人覺得鮮蠔忌廉湯味道有d奇怪，可能係口味唔岩，而蟹肉龍蝦濃湯就真係好好飲，極重龍蝦味！黎到主菜啦，我地就叫左烤西班牙雪花黑毛豬配蘋果黑醋汁同1/2波士頓龍蝦黑鱈魚配蟹肉忌廉汁龍蝦本身食材新鮮，爽口彈牙，龍蝦頭既膏仲煎到好香，而鱈魚就味道一般，可能煎耐左有d乾，加翻d忌廉汁係補救翻唔少既。黑毛豬係必食，真係好好食，做到外脆內軟，仲有好豐富既肉汁，一個字，無得頂！甜品係朱古力慕絲，唔記得影相，整體味道ok，不過不失。好滿足既一餐，下次一
係云云餐廳之中，見到呢間餐廳既評價唔錯，睇相又好似幾有情調，仲有全單8折優惠，所以一心就想過嚟試吓。
地點唔算難揾，只係有d僻。上到去餐廳，計埋我哋只係三台客人。雖然地方係細，但勝在有維港夜景，而且靜靜地，氣氛都唔錯。
食物方面，前菜係18個月黑毛豬風乾火腿伴哈密瓜。作為前菜黎講份量算好夠，而且黑毛豬既鹹香同哈密瓜既果甜好夾，即刻開左個胃！
18個月黑毛豬風乾火腿伴哈密瓜
19 瀏覽
0 讚好
0 留言
而頭盤就有刺身拼盤，賣相確實係幾吸引，不過刺身味道就同出面鋪頭賣既差唔多，無咩特別。反而係d蔬菜食得出佢用料新鮮！
刺身拼盤
14 瀏覽
0 讚好
0 留言
湯呢我地就點左蟹肉龍蝦濃湯同鮮蠔忌廉湯，個人覺得鮮蠔忌廉湯味道有d奇怪，可能係口味唔岩，而蟹肉龍蝦濃湯就真係好好飲，極重龍蝦味！
蟹肉龍蝦濃湯
11 瀏覽
0 讚好
0 留言
黎到主菜啦，我地就叫左烤西班牙雪花黑毛豬配蘋果黑醋汁同1/2波士頓龍蝦黑鱈魚配蟹肉忌廉汁
龍蝦本身食材新鮮，爽口彈牙，龍蝦頭既膏仲煎到好香，而鱈魚就味道一般，可能煎耐左有d乾，加翻d忌廉汁係補救翻唔少既。
1/2波士頓龍蝦黑鱈魚配蟹肉忌廉汁
25 瀏覽
0 讚好
0 留言
黑毛豬係必食，真係好好食，做到外脆內軟，仲有好豐富既肉汁，一個字，無得頂！
烤西班牙雪花黑毛豬配蘋果黑醋汁
17 瀏覽
0 讚好
0 留言
甜品係朱古力慕絲，唔記得影相，整體味道ok，不過不失。
好滿足既一餐，下次一定會翻桌！
張貼
