酒燒弄 (已結業)

喺奧海城行完街突然有鋪想食燒烤嘅癮，於是行過附近小店林立嘅大角咀搵到呢間食串燒嘅特色店，俾佢港式霓虹燈吸引😃食串燒梗係唔少得牛舌啦，呢度嘅厚切牛舌燒得非常入味又夠淋身，口感正！另外見到有比較特別嘅雞壕肉，非常之有驚喜雞肉燒到爽脆肉滑，好味！除咗肉類我哋仲嗌左兩個燒扇貝，大大粒扇貝非常鮮味甜口！蔬菜方面嗌咗個燒茄子不過不失，都好新鮮爽口，唔會燒到啲汁乾曬！除咗串燒我哋都嗌左兩份主食，非常推薦豬頸肉腩冷拌蕎麥麵，經過烤同炸嘅豬頸肉非常香脆，搭配埋芝麻醬嘅香同蕎麥麵一齊食，口感豐富食唔停口！另外烤和牛上肩柳都值得一試，和牛味濃多汁，我哋搭咗蕃茄湯底烏冬一齊食，個番茄湯超濃郁食到舔舔脷😋我哋都點咗杯水蜜桃梳打，對於食串燒同咁多肉嘅時候，飲返啖解膩簡直絕配 ！鐘意食串燒嘅朋友路過附近記得要嚟試試！