G04

營業中

休息中

經同事帶路，先發掘到呢間餐廳，其實佢招牌都幾唔顯眼，真係經過都唔為意。午飯時間都好多人，我地等左15分鐘先入得。我就點左個三文魚便當比較特別係 會用木盒裝住便當個餐係送埋沙律、胡麻豆腐，都幾豐富胡麻豆腐就冇乜特別，不過個沙律好新鮮。個三文魚唔太肥，脂肪比例岩岩好，送飯食好好味，但如果大塊d會更好，飯量算有點多。跟餐都仲有送個蘑菇蒸蛋，入面得一塊蘑菇，應該係用黎做裝飾，但個蛋好滑，唔會太水。響呢度點餐，係可以任飲湯，呢日就有老火湯同羅宋湯。我飲左羅宋湯，味道冇乜特別，但免費飲都幾好。呢間餐廳仲有埋杏仁霜，其實依家好少茶餐廳有得飲，佢個杏仁霜有少少杏仁味，唔太甜，算普通水準。