影片
更多
2023-02-13
20 瀏覽
又一年情人節，想同另一半搵間好既餐廳慶祝🫶🏻 今次揀左La BASE HK入到餐廳，員工好友善咁問我地想坐世外定室內，我地見餐廳入面環境好寬敞，但外面氛圍又好有情調，又有好靚既打卡位，最後揀左坐室外🙈前菜🔸白酒煮大蜆配蒜蓉包店員好窩心提我地記得趁熱食，粒粒蜆都好大粒，白酒完全帶到蜆既鮮甜味出黎😍 配埋熱辣辣既蒜蓉包食，一流😆主菜🔸芝士焗肉醬千層麵 身為芝士控，呢到芝士既份量絕對滿足到我地，爆多芝士🧀 夾埋肉醬同千層麵一齊食，係會想食完一啖又一啖😆🔸意式烤紐西蘭小羊扒有4支羊架，羊肉肉質好鮮嫩，另一半唔太好羊都覺得好食，旁邊既配菜都燒得好好食，值得一試～甜品🔸 自家製Tiramisu 呢到既招牌甜品，好大份，好creamy，好有咖啡香，用料配搭岩岩好，食到幾飽都要食埋佢😍總結餐廳既情調，環境同服務態度都好好，絕對係慶祝情人節既好地方，又可以係一班朋友聚會之選！
又一年情人節，想同另一半搵間好既餐廳慶祝🫶🏻 今次揀左La BASE HK
入到餐廳，員工好友善咁問我地想坐世外定室內，我地見餐廳入面環境好寬敞，但外面氛圍又好有情調，又有好靚既打卡位，最後揀左坐室外🙈
前菜
🔸白酒煮大蜆配蒜蓉包
店員好窩心提我地記得趁熱食，粒粒蜆都好大粒，白酒完全帶到蜆既鮮甜味出黎😍 配埋熱辣辣既蒜蓉包食，一流😆
主菜
🔸芝士焗肉醬千層麵
身為芝士控，呢到芝士既份量絕對滿足到我地，爆多芝士🧀 夾埋肉醬同千層麵一齊食，係會想食完一啖又一啖😆
🔸意式烤紐西蘭小羊扒
有4支羊架，羊肉肉質好鮮嫩，另一半唔太好羊都覺得好食，旁邊既配菜都燒得好好食，值得一試～
甜品
🔸 自家製Tiramisu
呢到既招牌甜品，好大份，好creamy，好有咖啡香，用料配搭岩岩好，食到幾飽都要食埋佢😍
總結
餐廳既情調，環境同服務態度都好好，絕對係慶祝情人節既好地方，又可以係一班朋友聚會之選！
張貼
