美談韓國 (已搬遷) 新店位置

今次係第二次黎呢間韓國餐廳，上次係食午市套餐，幾十蚊石鍋飯，已經覺得好正，今次再黎食晚飯，真係唔寫食評都唔得！想食正宗韓國人主理既餐廳，唔一定去尖沙咀韓國街，東涌呢間一樣食到韓國地道高質口味，而且價錢抵食好多，樣樣都只係幾十，而且韓國老伯伯老闆好親民，雖然唔識講中文溝通唔到，但佢會過黎用身體語言打招呼😂呢間隱藏係康文處轄下公園內既餐廳，唔知道係唔會專登行入去，好彩有東涌朋友介紹先識得搵到入黎！由於冇乜人知，所以唔會話客滿兼唔限時間，裝修整潔簡約，如坐近覽車站既坐位可以見到覽車係隔離出出入入😎入正題講食物先😛我地四人點左六樣菜。每樣菜都好高質。店員端上泡菜…有7款之多，全由韓國亞珠媽泡制，非一般出面集團式既泡菜得個咸字。