隠家拉麵工場 (已結業)

完全無諗過係深水埗西九龍中心入面，會有一間咁高質的沾麵店，不論外貌、味道定係店舖裝飾，都好有日本的感覺，以後係深水埗又多間飯堂。係自助售買機買飛，然後比張飛職員。叫左一個黑蒜油沾麵，一個蕃茄沾麵。麵係粗身嘅麵，硬度剛好，好有咬口。叉燒雖然薄身，但好大塊，油脂甘香好好食。黑蒜油好足料，湯好濃，直頭濃到有少少苦，反而鍾意另一個蕃茄湯底多啲。最尾食完可以搵店員幫忙加湯，飲完唔會口渴，有好多蕃茄蓉係入面。呢個價錢喺深水埗來講唔算平，但食物都幾高質。