夢の丼 (已結業)

嚟到土瓜灣都有高質日本刺身同丼飯！質素絕對不比銅鑼灣尖沙咀等地段遜色😋而且唔係旺區，進食嘅時候更加寧靜，仲可以慢慢食唔使俾人催交枱😄店入面招牌丼飯夢之丼十分足料，有多種高級食材，例如松葉蟹肉、三文魚蓉、帆立貝、海膽、牡丹蝦等，而且十分鮮味，食到欲罷不能！加上餐廳秘製嘅汁， 酸酸地十分開胃， 太酸仲可以用橙汁提升甜度。另外一個丼飯花錦魚生丼都好出色，櫻花蝦、蜆肉、蟹膏、右口魚邊等令我齒頰留香，回味無窮～將返上面嘅蛋黃撈匀就更加好味。講完丼飯，有啲特色刺身同埋小食都非常好味，鮟鱇魚肝好甘香，好香嘅魚肝油味又唔會好膩，食過返尋味！白蠔好新鮮，鮮得嚟好有海水味。磯燒帆立貝大大隻，同生食又有兩種唔同嘅感覺，兩種不同享受～總括而言，食得多連鎖日本店同埋旺區舗，我推介大家不妨試吓夢之丼~