八海山

營業中

休息中

間唔中都會去寶勒巷附近覓食，今次同朋友試咗呢間日本居酒屋。無論環境裝修、餐牌、食物都好有日本feel，唔怪之得見咁多日本人幫襯。🍣🍣什錦魚生 - 賣相勁吸晴，有海膽（配埋青瓜，真係好正宗）、吞拿魚、三文魚、牡丹蝦、帆立貝、魷魚等等。好新鮮，真心正。🐔🐔南蠻炸雞 - 炸雞粉漿唔會太厚，入口好香脆。雞肉質鮮嫩，點埋醬料一齊食，好惹味。🐥🐥明太子玉子燒 - 蛋味好香，入面嘅明太子勁足料，連埋木魚絲一齊食，口感好豐富。🐮🐮鐵板蒜片牛肉粒 - 牛肉粒好淋好嫩口，配搭蒜片，既香又惹味。🐂🐂牛腸鍋 - 店員推介下第一次食牛腸鍋，估唔到咁有驚喜。牛腸好滑，入口爽脆。據聞牛腸鍋好受日本人歡迎，又真係整得幾好食。🥢🥢冷烏冬- 天氣炎熱，食個冷烏冬真係一流。烏冬質地好煙韌滑溜，點埋醬汁，簡單得來好味。🍨🍨甜品我哋要咗芝麻同綠茶雪糕各一，特別要讚下芝麻雪糕嘅芝麻味好濃郁，兩個口味都唔會太甜。🇯🇵🇯🇵餐廳環境真係好有日式風味，坐得舒服，店員親切有禮，食完當去咗轉日本。