影片
更多
2023-01-25
39 瀏覽
九丁目燒肉料理 (元朗)-成日經過呢間燒肉店嘅門口，見到幾隻龍貓覺得好得意，而且日式裝修風亦都好靚好吸引，bookmark 左咁耐，今次終於可以試吓啦！有番鄉下嘅感覺🤓🇯🇵 -🔎 廚師推介 $268坐低店員招呼我哋話有今日嘅廚師推介：米豚肉6切，十勝牛A4 和牛。了解多啲發現原來米豚肉嘅來歷都唔簡單原來係日本養咗一段時間嘅豬，用靚米黎養佢地之後再空運黎🙂 食落去真係唔同啲、肥同瘦好分明，亦都唔會好油膩，肥嗰啲亦都唔使擔心，因為佢都會上埋生菜俾你包住啲肉食，令到成件事更加 fresh 同埋健康啲～😙 另外十勝牛和牛都有一種入口即溶嘅感覺，燒20至30秒左右就搞掂😋😋 每人2塊，4切好快就食完🥹 🔎中落牛舌(6切）呢款牛舌唔算薄切，食落去都有一個厚度喺度，而整嗰陣我哋揀咗係鹽醬，食落去好有咬口，鍾意食牛舌，一定要試吓佢除咗呢個牛舌仲有其他款有厚切亦都有薄切，另外都有牛舌芯果啲選擇🤨🔎 牛肩肉 (10切）叫咗最大路嘅牛肩肉，食落去一啲肥肉都冇，切片一啲都唔薄，好有質感，價錢亦都好相宜，用嚟送飯一流😉🔎 封門柳（6切）封門柳係牛橫膈膜的肌肉，食落封肉質鬆軟，亦都係一啲肥肉都冇，而且比較厚身，亦
-
成日經過呢間燒肉店嘅門口，見到幾隻龍貓覺得好得意，而且日式裝修風亦都好靚好吸引，bookmark 左咁耐，今次終於可以試吓啦！有番鄉下嘅感覺🤓🇯🇵
-
🔎 廚師推介 $268
坐低店員招呼我哋話有今日嘅廚師推介：米豚肉6切，十勝牛A4 和牛。了解多啲發現原來米豚肉嘅來歷都唔簡單原來係日本養咗一段時間嘅豬，用靚米黎養佢地之後再空運黎🙂 食落去真係唔同啲、肥同瘦好分明，亦都唔會好油膩，肥嗰啲亦都唔使擔心，因為佢都會上埋生菜俾你包住啲肉食，令到成件事更加 fresh 同埋健康啲～😙 另外十勝牛和牛都有一種入口即溶嘅感覺，燒20至30秒左右就搞掂😋😋 每人2塊，4切好快就食完🥹
🔎中落牛舌(6切）
呢款牛舌唔算薄切，食落去都有一個厚度喺度，而整嗰陣我哋揀咗係鹽醬，食落去好有咬口，鍾意食牛舌，一定要試吓佢除咗呢個牛舌仲有其他款有厚切亦都有薄切，另外都有牛舌芯果啲選擇🤨
🔎 牛肩肉 (10切）
叫咗最大路嘅牛肩肉，食落去一啲肥肉都冇，切片一啲都唔薄，好有質感，價錢亦都好相宜，用嚟送飯一流😉
🔎 封門柳（6切）
封門柳係牛橫膈膜的肌肉，食落封肉質鬆軟，亦都係一啲肥肉都冇，而且比較厚身，亦都唔韌，佢食落去個牛肉味會再濃郁啲，鍾意浸牛肉味嘅朋友可以一試😋🤪
🔎 紫菜珍珠飯 $38
🔎 和風溫泉王子紫菜飯 $48
兩個飯嘅分別係一隻溫泉蛋，兩個飯都一樣勁多紫菜，而且啲紫菜食落去係脆，個溫泉蛋用嚟送飯，或者有時點啲牛肉食都好正🫢
-
🔎 Suntory生啤(細）
🔎 蘋果生姜梳打
食燒肉毫無疑問嘅當然要啤啤佢🍻🤪 另外，配咗推介嘅蘋果生姜梳打，梳打水同埋冰係會另外上，根據自己喜好，調配梳打水同蘋果生薑嘅比例，清新得來又帶啲薑味好特別😚
-
📍 九丁目燒肉料理 (元朗)
元朗西菁街10號好順泰大地下57-58號舖
張貼
