影片
更多
2020-10-23
171 瀏覽
隱世邊爐👍 真係估佢唔到咁好食😋年初朋友仔生日撞啱疫情高峰期，每日過百宗真係搞到人心惶惶，食肆係限聚令情況下更加無得經營晚市，火鍋店更加首當其衝。而家疫情緩和之後，對食肆同顧客都係一個好消息，我同朋友仔都係愛好打邊爐既一族，亦因為欠朋友一餐生日飯，今日就到佢公司附近邊一邊，過下口癮😆老實講咁大個人去粉嶺既次數都唔多過5次，更加唔會特登走到入去搵野食，因為感覺要食好野既話可以去到旺區食，何需走到對小弟黎講較偏遠既地方食野呢？但經過今次之後，我就發現得我一直所諗既係幾咁大錯特錯😅火車站行到店鋪大約十多分鐘左右，入到店鋪感覺舒適，裝修企理光鮮，座位餐桌之間距離感十足，係香港地黎講係十分難得。由於今次係我同朋友仔第一次光顧，所以就徵詢店員意見落單。進食期間店員十分有禮，服務更加好到難以置信，更同老闆娘打成一片，好客得黎又好親切，好似朋友一樣😆胡椒豬肚雞鍋店員推介湯底，一放低已經聞到湯底唔野少，胡椒同酸菜味出哂黎，湯底滾起左之後就先飲返碗湯，食埋湯入面既食材。胡椒同酸菜配合恰當好處，兩者之間唔會有其中一方太特出蓋過另一方，而雞方面鋪頭選用走地雞，食落好嫩滑又入味，食到唔停得口，豬肚亦十分爽口，我
年初朋友仔生日撞啱疫情高峰期，每日過百宗真係搞到人心惶惶，食肆係限聚令情況下更加無得經營晚市，火鍋店更加首當其衝。而家疫情緩和之後，對食肆同顧客都係一個好消息，我同朋友仔都係愛好打邊爐既一族，亦因為欠朋友一餐生日飯，今日就到佢公司附近邊一邊，過下口癮😆
老實講咁大個人去粉嶺既次數都唔多過5次，更加唔會特登走到入去搵野食，因為感覺要食好野既話可以去到旺區食，何需走到對小弟黎講較偏遠既地方食野呢？但經過今次之後，我就發現得我一直所諗既係幾咁大錯特錯😅
火車站行到店鋪大約十多分鐘左右，入到店鋪感覺舒適，裝修企理光鮮，座位餐桌之間距離感十足，係香港地黎講係十分難得。由於今次係我同朋友仔第一次光顧，所以就徵詢店員意見落單。進食期間店員十分有禮，服務更加好到難以置信，更同老闆娘打成一片，好客得黎又好親切，好似朋友一樣😆
胡椒豬肚雞鍋
胡椒豬肚雞鍋
24 瀏覽
0 讚好
0 留言
店員推介湯底，一放低已經聞到湯底唔野少，胡椒同酸菜味出哂黎，湯底滾起左之後就先飲返碗湯，食埋湯入面既食材。胡椒同酸菜配合恰當好處，兩者之間唔會有其中一方太特出蓋過另一方，而雞方面鋪頭選用走地雞，食落好嫩滑又入味，食到唔停得口，豬肚亦十分爽口，我同朋友每日飲左足足兩大碗😋👍
手工金沙魚皮
呢個咸蛋魚皮超好食，落單即叫即整，上到黎熱辣辣又脆口，咸蛋處於流沙狀態，愈食愈起勁，配埋冰凍啤酒真係絕配，推薦👍👍👍👍👍🤤
手工即炸響鈴
鋪頭既炸物十分出色，響鈴亦唔例外，同樣即叫即整，厚度適中，香脆又唔會太油膩，就咁食又得，放湯浸一浸又得，兩種方式同樣好食
🤤
鮮蝦雲吞
鮮蝦雲吞選用原隻蝦製作而成，每一粒都相當飽滿，咬落口爽口彈牙又結實，全靠食材新鮮
，食得出無偷工減料👍
手打安格斯牛肉丸
手打丸亦係店鋪既招牌配料，我點左兩款手打丸，安格斯牛肉丸就係其中之一。牛丸食落好重牛味，大小適中，爽口彈牙，就算唔配醬油亦相當夠味👍
手打芝心蝦丸
手打芝心蝦丸
7 瀏覽
0 讚好
0 留言
另一款就係手打芝心蝦丸。將蝦打成膠再加上芝士粒，蝦丸整熱整熟後芝士溶化，咬落口熱熱既芝士流出，配合埋彈牙既蝦丸，同樣出色👍
脆鯇腩
食材新鮮真係打邊爐最重要既因素，係呢一碟脆鯇腩就正正反映出黎。魚肉爽脆，食落煙韌彈牙，完全唔會有腥臭味及泥味，真係好好味😋
牛骨髓
牛骨髓
5 瀏覽
0 讚好
0 留言
牛骨髓係我其打邊爐既至愛，不過唔係好多鋪頭有，亦唔係每間鋪選料上盛。鋪頭正正做到上述所講，有提供之餘選料又好，將牛骨髓短時間淥一淥，軟滑感覺好似食緊腸粉一樣😆
唐生菜
唐生菜
5 瀏覽
0 讚好
0 留言
將唐生菜擺成一個精美既菜籃，視覺分滿分，鋪頭每一樣野都盡善盡美，反映佢地對顧客，對食材都有一份執著，對顧客黎講確實係一種福氣😆
最後真係要讚多次店員同老闆娘親切又好客既服務。最衰openrice最多只可以俾5粒星，可以既話真係想俾10粒星😆😆😆👍
張貼
