Delite Long Ping Bistro (已結業)

話說上次去食前半島中廚主理間高質台灣菜 「木玥巷」時見到佢隔離間西餐都好唔錯，所以今日同男朋友去咗食~ 上網睇先知原來呢間西餐廳「Delite Long Ping Bistro」新開無耐，餐廳裝修以深色為主，設有吧枱、半圓形卡座同方形散枱，氣氛浪漫有情調，非常適合情侶拍拖或朋友聚會chill下~ Lunch Set 均一$90，免加一，包餐湯、主菜同飲品，性價比好高！ 🧡Spaghetti Arrabbiata（$90）呢款意粉一上枱就聞好香，食落都好香，味道比較清新，意粉煮得軟硬適中，雞肉軟焾入味，高質！ 🧡Chicken Mushroom Risotto（$90）呢款意大利飯個醬汁好creamy，個蘑菇烤得好香，成碟食哂都唔覺得膩，好味！