LA Restaurant & Dessert Bar (已結業)

旺角區有唔少好野食，但呢間隱世西餐真係十分滿意。因為朋友推介，第一次黎。2pm 仲有午餐，有唔同選擇，價錢黎講真係好抵食，仲包埋餐湯。叫左兩個午餐烤厚切豬扒伴蘋果泥(薯菜)份量好足，厚切豬扒口感一流切開淡淡肉汁，蘋果泥就酸酸地幾開胃，配上豬扒味道幾夾。慢煮黑椒豬手(飯)平時午餐好少食到豬手，慢煮既關係肉質仲係juicy, 加埋黑椒好惹味。大大隻豬手加埋飯，好滿足。叫左杯特飲，Tiffany light ，係奇異果奶昔，味道好清新，亦唔會好酸，岩晒夏天消暑。同埋叫左杯凍檸茶。