Wanna Eat

營業中

休息中

今日誤打誤撞搵到呢間隱世西餐小店，環境都算唔錯，座位都坐得幾舒服！呢個黃金雞柳炸得好香脆，好夠蛋黃香，啲雞柳都算嫩滑，食得出真係好新鮮，而且份量都唔少，好抵食！另外呢個黑松露磨菇意粉香氣十足，黑松露嘅香氣啖啖都食得出，啲意粉份量亦夠多，絕對夠兩個人食！呢個紐西蘭肉眼排都好正，件扒嘅份量都唔細，好夠牛香，煎得一啲都唔鞋，配搭埋佢個醬汁食簡直絕配，呢個一定要試！而個Pizza就幾鬆軟，上面啲配料都好足料，啲千島醬汁食落一啲都唔贖，越食越開胃！佢哋嘅嘢飲都好有特色，隨便點返杯都唔會伏！