影片
更多
2023-03-18
137 瀏覽
/阿肥🦁阿瘦🐰推介/觀塘區嘅工廈不嬲都有好多隱世美食🤣，阿肥🦁阿瘦🐰今次就揾到間高質嘅西餐，雖然係工廈入面，但入到餐廳就有驚喜✨，裝修幾有格調，氣氛唔錯😌，感覺好舒服，好適合情侶拍拖👫，或者幾個好姊妹黎慶祝特別日子！🍽 Set for two $598每個dinner set 都會有凱撒沙律🥗、餐湯🫕同埋餐包🥖。個餐包好出色🤩，麵包條好鬆脆，好香香草味。而方形麵包就好軟熟，同餐廳提供嘅黑松露牛油好夾👍🏻。另外餐湯都唔係普通嘅忌廉蘑菇湯，入口甜甜地，質地幾滑🤓。🥟 菠菜芝士意大利雲吞配黑松露忌廉汁意大利雲吞入邊有經典嘅菠菜同ricotta cheese🧀。黑松露忌廉汁本身唔係好稠，有淡淡地嘅黑松露味，食到好香蒜香同埋白酒香😋，味道好夾！🍖 燒BBQ豬肋骨豬肋骨本身調味較輕，如果係重口味人士就建議加埋跟餐嘅BBQ醬，即刻好惹味🤣。豬肋骨火候適中，肉質唔會太乾。而值得一讚嘅係豬肋骨嘅配菜都唔馬虎💯。薯條配搭Cajun seasoning，炸得好脆口。跟餐仲有黑醋汁沙律中和返本身味道較重嘅豬肋骨同薯條。可以睇得出餐廳喺配菜方面十分仔細😋！🍨 意大利雪糕泡芙面頭有cream，切開之後泡芙入面有朱
觀塘區嘅工廈不嬲都有好多隱世美食🤣，阿肥🦁阿瘦🐰今次就揾到間高質嘅西餐，雖然係工廈入面，但入到餐廳就有驚喜✨，裝修幾有格調，氣氛唔錯😌，感覺好舒服，好適合情侶拍拖👫，或者幾個好姊妹黎慶祝特別日子！
🍽 Set for two $598
每個dinner set 都會有凱撒沙律🥗、餐湯🫕同埋餐包🥖。個餐包好出色🤩，麵包條好鬆脆，好香香草味。而方形麵包就好軟熟，同餐廳提供嘅黑松露牛油好夾👍🏻。另外餐湯都唔係普通嘅忌廉蘑菇湯，入口甜甜地，質地幾滑🤓。
🥟 菠菜芝士意大利雲吞配黑松露忌廉汁
意大利雲吞入邊有經典嘅菠菜同ricotta cheese🧀。黑松露忌廉汁本身唔係好稠，有淡淡地嘅黑松露味，食到好香蒜香同埋白酒香😋，味道好夾！
🍖 燒BBQ豬肋骨
豬肋骨本身調味較輕，如果係重口味人士就建議加埋跟餐嘅BBQ醬，即刻好惹味🤣。豬肋骨火候適中，肉質唔會太乾。而值得一讚嘅係豬肋骨嘅配菜都唔馬虎💯。薯條配搭Cajun seasoning，炸得好脆口。跟餐仲有黑醋汁沙律中和返本身味道較重嘅豬肋骨同薯條。可以睇得出餐廳喺配菜方面十分仔細😋！
🍨 意大利雪糕泡芙
面頭有cream，切開之後泡芙入面有朱古力雪糕，係一款比較輕盈嘅甜品🤤。本身食完豬肋骨之後都飽飽地，所以揀款冇咁重口味嘅甜品就啱啱好啦！同樣地，跟餐嘅生果全部都好甜😚！
🍰流心乳酪芝士蛋糕 (+$48)
店員送上嚟嘅時候就已經有好香嘅梳乎厘味道。蛋糕嘅質地就好似梳乎厘一樣，外面比較焦脆，入邊就好鬆軟，而且空氣感較重🤗。切開之後就有流心乳酪芝士流出來，乳酪芝士本身唔會太heavy或者太甜，而且同蛋糕嘅質地好夾👍🏻！加少少生果同糖漿再食一啖又有唔同嘅享受～
💸人均消費：$360
📍 Non Kitchen
觀塘鴻圖道12精棉工業大廈1樓
#香港美食 #hkfood #hkfoodie #foodiehk #hkfoodblog #hkig #hkigfood #吃貨 #觀塘美食 #西餐 #晚餐推介 #觀塘 #觀塘西餐 #觀塘好去處 #FineDining #觀塘必食 #觀塘好西 #牛頭角美食 #牛頭角西餐 #工廈美食 #打卡餐廳 #觀塘好去處 #牛頭角好去處
張貼
