Catio (已結業)

上網見到search 到呢間隱世貓 cafe , 放假即卡卜左黎玩貓兼食好西，卜左最早時間既十二點，係荔枝角既工業大廈入面， 雖然係工廈入面，但入到去環境好精緻，好中意佢既裝修，簡約得黎令人覺得好舒服，好多貓貓既插畫，環境仲好闊落。以為貓 cafe 野食會一般般，點知好有驚喜，叫左個雙重辣肉腸 pizza 好大份，一個人食超飽，個紙盒仲印有貓既公仔，超得意。pizza 每一啖都食到好濃厚既芝士味，番茄醬比例剛剛好，辣肉腸好惹味，pizza 餅底夠脆。再加左杯凍朱古力奶，用左明治 4.3 牛乳，好滑既口感，除此之後仲有唔同花茶選擇，正餐同飲品同甜品既選擇都非常之多。店員雖然得兩三個，但服務同態度都唔錯，落單同上菜都好快，唔知係咪臨近聖誕節去，仲送左個手帶，好 cute cute 貓貓都幾多下，同埋有埋貓玩具比客人逗貓，影左勁多靚靚貓相，真係貓貓同野食都好出色既一間 cafe, 下次會再同朋友黎。