河內大娘越南餐廳 (已結業)

尋晚去開尖沙咀，突然想食越南菜，見到附近有呢間越南菜餐廳，就同朋友入去食下啦。大娘秘制牛油雞中翼 $49有四大隻，外脆內軟，啱啱炸起，咬落去啲肉汁即刻爆出黎。牛油味超香，好好食。芒果鮮蝦米紙卷 $79有四大件，每件都比起平時啲米子卷大件好多，係幾倍嘅size。每件米紙卷入面都有芒果、好大量嘅檬粉同埋一隻大蝦，點埋醬汁之後感覺好清新。奧班馬粉 $89我問店員點解呢個叫做奧巴馬粉，店員話原來係因為奧巴馬喺越南食過呢種粉。呢個粉幾得意，同平時啲撈檬唔同嘅係佢有一大碗醬汁比我地逐少逐少咁放啲面入去食，好似食緊日式沾麵咁。香茅豬肉超好食，好滑，同埋真係醃得好好味。扎肉都好彈牙好好食。蒜蓉包（三件）$24係法包加上蒜蓉牛油。蒜蓉牛油味好香，法包外脆內軟好好食。食到舔舔脷。咸檸梳打 $29鹹鹹地，又唔會好甜，幾好。青檸梳打 $29呢個係朋友飲嘅，我飲咗一啖，覺得青檸味好香好正。呢間越南菜有驚喜，可以下次再食。