影片
更多
2021-09-08
25 瀏覽
近幾年元朗既餐廳愈開愈多，而且五花百門，但多數都係d比較大衆化d既餐廳，但最近朋友話我知原來有間主打鐵板燒既餐廳，靜雞雞開左係水邊圍但好似冇乜人知，所以襯佢未揚開去之前要拿拿聲去試下😂「櫻」一人前套餐（$360）需加一白粟米配風乾火腿露筍卷伴栗子油醋汁火腿充滿咸香味，加埋好嫩口鮮甜既露筍，再配上甜甜酸酸既醬汁非常開胃，而最令人喜出望外既係生食既白粟米，口感非常爽脆，好似糖水咁甜而且粒粒都爆汁👍👍，如果再大舊d就好😂😂香煎北海道凡立貝配海膽忌廉汁師傅將凡立貝煎到外面微微焦香，內裡鮮甜。海膽忌廉汁有微微鮮甜味。而伴碟既仲有黑松露醬用醃漬三文魚子。三文魚子比平時食既淡口，冇咁咸。師傅話原來係餐廳自己醃，非常有心思👍白甘鯛立鱗燒配明太子忌廉汁將油倒入淺口鍋到半滿，等油熱之後將白甘鯛有魚鱗一面向下，之後冚埋蓋，以呢種半炸半焗既方式將魚煮熟，而魚鱗受到高溫就會一塊塊豎起，所以稱之為立鱗，食既係魚鱗既酥香加上魚肉既鮮嫩對比。砂糖多士食完油炸野，師傅會準備塊蜜糖麵包清清口腔，麵包有牛油香味而且糖皮做到脆卜卜👍鵝肝多士伴焦糖水蜜桃配黑醋汁鵝肝油脂好豐盛，配埋師傅自己調配既黑醋汁，焦糖水蜜核同焦香既多士，
「櫻」一人前套餐（$360）需加一
白粟米配風乾火腿露筍卷伴栗子油醋汁
火腿充滿咸香味，加埋好嫩口鮮甜既露筍，再配上甜甜酸酸既醬汁非常開胃，而最令人喜出望外既係生食既白粟米，口感非常爽脆，好似糖水咁甜而且粒粒都爆汁👍👍，如果再大舊d就好😂😂
香煎北海道凡立貝配海膽忌廉汁
師傅將凡立貝煎到外面微微焦香，內裡鮮甜。海膽忌廉汁有微微鮮甜味。而伴碟既仲有黑松露醬用醃漬三文魚子。三文魚子比平時食既淡口，冇咁咸。師傅話原來係餐廳自己醃，非常有心思👍
白甘鯛立鱗燒配明太子忌廉汁
將油倒入淺口鍋到半滿，等油熱之後將白甘鯛有魚鱗一面向下，之後冚埋蓋，以呢種半炸半焗既方式將魚煮熟，而魚鱗受到高溫就會一塊塊豎起，所以稱之為立鱗，食既係魚鱗既酥香加上魚肉既鮮嫩對比。
砂糖多士
食完油炸野，師傅會準備塊蜜糖麵包清清口腔，麵包有牛油香味而且糖皮做到脆卜卜👍
鵝肝多士伴焦糖水蜜桃配黑醋汁
鵝肝油脂好豐盛，配埋師傅自己調配既黑醋汁，焦糖水蜜核同焦香既多士，一啖入面有齊咸味甜味同酸味，味道好豐富。
香煎封門配Wasabi伴油醋汁
封門柳肉味濃，而且肉汁好豐富，鹽昆布咸咸地有咬口，再加埋甜甜地既油醋汁可以減低油膩感
魚湯
用鱲魚煲成，魚味好濃，絕對唔係好似好多餐廳咁味精加牛奶溝成
炒飯
材料有煙肉、蛋、青蔥、同洋蔥，飯係用珍珠米，師傅將飯炒到粒粒分明，好乾身，而且好香胡椒味
開心果雪糕
甜品可以揀唔同口味既雪糕，而我揀左比較少見既開心果味，雪糕每一啖都有濃濃既開心果味，而且仲有d開心果碎係雪糕入面，都幾得意
張貼
