影片
更多
2024-05-15
133 瀏覽
好耐冇喺香港食過omakase🍣平時omakase多數都係開喺旺區，估唔到喺北角都有間比較隱世嘅omakase😳店入邊得一位師傅，一個打十個🤣師傅都好friendly，同客人有傾有講，仲會拎啲私伙零食俾客人試吓😝Omakase (dinner) $1800漬物自家醃製嘅漬物，分別有牛蒡、蘿蔔同埋薑片，牛蒡帶少少醬油味，食到最尾會覺得有啲微辣，薑片唔會好辣，入口酸酸甜甜咁，同埋蘿蔔一樣都係啱晒解膩嘅漬物😋平政魚刺身分別有薄切嘅魚背同厚切嘅魚腩，魚背係同紫蘇花捲住一齊食，紫蘇花嘅味道幾有驚喜🤓因為冇平時紫蘇葉咁搶味，呢度嘅刺身豉油鹹度都啱啱好，唔會得一股死鹹嘅味道😌蒸松葉蟹下一道菜就係拆晒好肉嘅松葉蟹🦀配埋上面嘅蟹醋啫喱，以為會係凍食，入口嘅時候發現仲係暖暖哋的北海道象拔蚌刺身象拔蚌係春夏當造，一碟有齊晒象拔蚌嘅唔同部位，厚肉爽口😉生蠔呢隻係長崎嘅華漣蠔，好厚肉，味道非常creamy🦪鯛魚白子天婦羅 之前食壽司食過白子天婦羅，但係呢款嘅質感好唔同😆天婦羅嘅炸衣好薄，完全唔會覺得油膩，而入面嘅白子仲係保持到濕潤，冇任何嘅腥味😙甘鯛立鱗燒第一次食呢款煮法嘅魚，面層嘅魚皮燒得好脆，好似食緊零食咁
Omakase (dinner) $1800
漬物
自家醃製嘅漬物，分別有牛蒡、蘿蔔同埋薑片，牛蒡帶少少醬油味，食到最尾會覺得有啲微辣，薑片唔會好辣，入口酸酸甜甜咁，同埋蘿蔔一樣都係啱晒解膩嘅漬物😋
平政魚刺身
分別有薄切嘅魚背同厚切嘅魚腩，魚背係同紫蘇花捲住一齊食，紫蘇花嘅味道幾有驚喜🤓因為冇平時紫蘇葉咁搶味，呢度嘅刺身豉油鹹度都啱啱好，唔會得一股死鹹嘅味道😌
蒸松葉蟹
下一道菜就係拆晒好肉嘅松葉蟹🦀配埋上面嘅蟹醋啫喱，以為會係凍食，入口嘅時候發現仲係暖暖哋的
北海道象拔蚌刺身
象拔蚌係春夏當造，一碟有齊晒象拔蚌嘅唔同部位，厚肉爽口😉
生蠔
呢隻係長崎嘅華漣蠔，好厚肉，味道非常creamy🦪
鯛魚白子天婦羅
之前食壽司食過白子天婦羅，但係呢款嘅質感好唔同😆天婦羅嘅炸衣好薄，完全唔會覺得油膩，而入面嘅白子仲係保持到濕潤，冇任何嘅腥味😙
甘鯛立鱗燒
第一次食呢款煮法嘅魚，面層嘅魚皮燒得好脆，好似食緊零食咁，下面嘅魚肉又保持到嫩滑🤩
磯煮鮑魚
鮑魚質感軟腍，味道帶甜，面頭鮑魚肝醬提升咗味道上嘅層次，底下嘅醋飯亦都加入咗鮑魚肝醬，所以帶深綠色🙈
茶碗蒸
暖笠笠嘅茶碗蒸，蒸得滑捋捋啱啱好🍳
壽司就有以下呢幾款🍣
- 池魚王：熟成咗一晚嘅池魚🐟
- 赤貝：非常鮮甜爽口，完全唔會有腥味😎
- 金目鯛：經過炙燒處理，可以逼出魚嘅油分
- 帶子：好有心機咁切晒花🌸面頭灑上咗少少岩鹽
- 牡丹蝦：上面嘅topping係畫龍點睛之作🦐係以蝦殼磨粉炒油，再加入蝦膏調製而成，入口有一種XO醬嘅香味🤩
- 吞拿魚背：醬油漬嘅吞拿魚背，平時比較少食到🙈
- 拖羅：唔使點形容都知一定係入口即溶😝
- 海膽：師傅落海膽嘅份量毫不吝嗇，成塊紫菜入面都係海膽🤤
- 玉子燒：呢度嘅玉子燒都唔簡單🍳個樣好似一嚿布甸咁，原來用咗魚肉、雞蛋、番薯糖、昆布水等整成，好考師傅技巧🫣
魚湯
食甜品之前仲有一碗魚湯，已經煲到變成奶白色，飲得到魚嘅鮮味🐟
甜品拼盤
平時食omakase甜品通常都係雪糕或者生果，呢度竟然有成個甜品拼盤😳仲要每一款甜品都係師傅自己整，好有心思🫶🏻分別有奇異果啫喱、士多啤梨芝士蛋糕、蜜柑啫喱同水蜜桃啫喱，呢幾款甜品食嘅時候都有順序✨最尾嘅水蜜桃啫喱就係可以慢慢咁清到個口腔，個人最鍾意嘅就係芝士蛋糕🍓甜度啱啱好，又唔會覺得好膩😋
張貼
